أفضل أوقات التسقيط حسب المواسم 🎣

صلى على النبي الأول قبل ما نبدأ 🙏❤️

ولو بتسأل "أنزل تسقيط إمتى؟" فأحب أقولك إن التوقيت في الصيد نص الغنيمة 🎯

القاعدة الذهبية: كل موسم وله رزقه، وكل وقت في اليوم السمك فيه بمزاج!

🔵 الصيف (يونيو – سبتمبر):

• أفضل وقت: من بعد الفجر لحد الساعة 9 الصبح، وقبل المغرب بساعتين.
• درجة حرارة المية: السمك بيهرب من السطح وقت الشمس، وبيرجع في البرد.
• الأكسجين في المية: بعد الفجر بيكون عالي، والسمك بيبقى نشيط.
• الطعوم الطبيعية: الجمبري، النطاط، السردين نشطين، فـ السمك بياكل طبيعي.
• قلة الإزعاج: الصبح والمغرب البحر رايق، فـ السمك يقرّب للطعم.

🐟 السمك النشيط: سمك الوعر

🔵 الخريف (أكتوبر – ديسمبر):

ده موسم الخير كله! البحر بيبرد تدريجيًا، والسمك بيكتر أكله استعدادًا للشتا.

• البحر بيكون هادي نسبيًا، والمية مناسبة للطُعوم.
• التيارات معتدلة، لا سريعة ولا جامدة.
• أفضل وقت: من الفجر لحد الظهر، والمساء وقت بركة.

🔵 الشتا (يناير – مارس):

البحر في إسكندرية بيبقى عالي معظم الوقت بسبب النوات، لكن لو لقيت يوم فيه:

• رياح شمالية مستقرة (شمال شرق أو شمال صريح)
• هدوء نسبي

يبقى ده يوم رزق!

🐙 السمك المستهدف: غزيلة – صرع – دنيس

الوقت المثالي: من 9 الصبح لـ 1 الظهر

🔵 الربيع (أبريل – مايو):

موسم التقليب... البحر مش ثابت، بس فيه أيام هادية بتطلع رزق نضيف!

• شراغيش محترمة
• مرمار كبير
• دنيس وسط (فليجس)
• احتمال بسيط لغزيلة متأخرة
• 
  
  

نكمل قراءة الجزء الثاني من المقال 

انواع الطعوم المناسبة حسب نوع السمك

💡 نصيحة ذهبية:

تابع الرياح والمد والجزر، وخليك دايمًا قريب من الصيادين الكبار.